បត្តិទានគាថា

យា ទេវតា  សន្តិ វិហារវាសិនី ថូបេ ឃរេ ពោធិឃរេ

តហឹ​ តហឹ តា ធម្មទានេន ភវន្តុ បូជិតា សោត្ថឹ ករោន្តេធ

វិហារមណ្ឌលេ ថេរា ច មជ្ឈា នវកា ច ភិក្ខវោ សារាមិកាទានបតី ឧបាសកា គាមា ច ទេសា និគមា ច ឥស្សរា សប្បាណភូតា សុខិតា ភវន្តុតេ ជលាពុជា យេបិ ច អណ្ឌសម្ហវា សំសេទជាតា អថវោបបាតិកា និយ្យានិកំ ធម្មវរំ បដិច្ចតេ សព្វេបិ ទុក្ខស្ស ករោន្តុ សំខយំ ឋាតុ ចិរំ សតំ ធម្មោ ធម្មធរា ច បុគ្គលា សង្ឃោ ហោតុ សមគ្គោ វ អត្ថាយ ច ហិតាយ​ ច អម្ហេ រក្ខតុ សទ្ធម្មោ សព្វេបិ ធម្មចារិនោ វុឌ្ឍី សម្បាបុណេយ្យាម ធម្មារិយប្បវេទិតេ។

    ប្រែ(ធម្មតា បែប(១))

ទេវតាទាំងឡាយឯណា  មានប្រក្រតីនៅក្នុងទីវត្តជាទីនៅនៃ សង្ឃព្ឋដ៍ខឿនព្រះសថូប ព្ឋដ៍ខឿនព្រះពោធិព្រិក្សក្នុងទីនោះៗ

ទេវតាទាំងនោះ ជាបុគ្គលគឺយើងទាំងឡាយបូជាហើយ ដោយធម្មទាន ចូរធ្វើនូវសួស្តីក្នុងមណ្ឌលនៃវត្ត ជាទីនៅនៃសង្ឃនេះ។

ភិក្ខុទាំងឡាយជាថេរៈក្តី ជាកណ្តាលក្តី ទើបនឹងបួសថ្មីក្តី​ ឧបាសកនឹង​

ឧបាសិកាទាំងឡាយដែលជាម្ចាស់នៃទានព្រមទាំងអារាមិកជន គឺញោមវត្តក្តី  ជនទាំងឡាយ

ដែលជាអ្នកស្រុកក្តី ជាអ្នកប្រទេសក្តី ជាអ្នកនិគមក្តី ដែលជាឥស្សរៈជាធំក្តី សត្វទាំងនោះៗ ចូរឲ្យបានដល់នូវសេចក្តីសុខ។​

មួយវិញទៀត សត្វទាំងឡាយឯណា ដែលជាជលាពុជៈ កំណើតក្តី ដែលជាអណ្ឌជៈកំណើតក្តី ដែលជាសំសេទជៈកំណើតក្តី។

ដែលជាឧបៈបាតិកៈកំណើតក្តី សត្វទាំងឡាយទាំងអស់នោះ កាលបើបានអាស្រ័យនូវធម៌ ដ៍ប្រសើរជានិយ្យានិកធម៌ហើយ ចូរធ្វើនូវធម៌ជាគ្រឿងអស់ទៅ នៃទុក្ខចុះ។

សូមឲ្យធម៌របស់សប្បុរសទាំងឡាយ  ស្ថិតនៅអស់កាលយូរអង្វែងទៅ។ បុគ្គលអ្នកទ្រទ្រង់នូវធម៌ទាំងឡាយចូរស្ថិតនៅអស់កាលយូរអង្វែងទៅ។

សូមព្រះសង្ឃព្រមព្រៀងគ្នា ដើម្បីសេចក្តីចម្រើនផង ដើម្បីសេចក្តីសម្រេច ផលប្រយោជន៏ផង។

សូមព្រះសទ្ធម្មរក្សានូវយើងទាំងឡាយ សូមរក្សានូវអ្នកដែលប្រព្រឹត្តធម៌ ទាំងឡាយ ទាំងអស់ផង។

សូមឲ្យយើង​ បានដល់នូវសេចក្តីចម្រើន​ ក្នុងធម៌ដែលព្រះអរិយៈទាំងឡាយ លោកសំដែងហើយ។

(ចម្លងចេញពីសៀវភៅ​ «គិហិបតិបត្តិ» សែម សូរ-ទំព័រ ១៥៩​)

​       ប្រែកាព្យ បែប(២)

-     យើងខ្ញុំទាំងអស់គ្នា             សូមបូជាដោយធម្មទាន

ដល់ទេវតាដែលមាន          នៅទីឋានវត្តនេះក្តី។

-     ​នាខឿនព្រះសថូប             ឬនៅនាខឿនចេតិយ៍

សូមមានចិត្តមេត្រី             ធ្វើទឹកដីទីវត្តនេះ។

-     សូមឲ្យសុខសួស្តី         ទុក្ខសោកអ្វីកុំមានសោះ

ម្យ៉ាងទៀតសង្ឃទាំងអស់    ដែលមានផ្នួសជាថេរៈ។

-     ឬក៍ជាមជ្ឈិម ​                   ឬនៅត្រឹមជានវៈ

ឬក៍ឧបាសក                    ឧបាសិកាជាម្ចាស់ទាន។

-     ព្រមទាំងអ្នកនិគម              ឬអ្នកធំអម្បាលមាណ

គ្រប់ស្រុកប្រទេសឋាន         សូមឲ្យបានសុខឯកអ័គ្ឃ។

-     ម្យ៉ាងទៀតសត្វឯណា          ដែលកើតជាជលម្ពុជៈ 

-     ឬជាអណ្ឌជៈ                     សំសេទជៈកំណើតក្តី។

-     ឬក៍ឧបបាតិកៈ                   គ្រប់ៗថ្នាក់ជនលោកិយ៍

ដោយអំណាចសេចក្តី           ធម៌បាលីថ្លៃបវរ។

-     កុំឲ្យមានទុកសោក               ក្តីវិយោគសំសារចរ

ម្យ៉ាងទៀតសូមព្រះធម៌            ថ្លៃបវរស្ថិតនៅវែង។

-     នឹងអ្នកចេះធម្មំ                      សូមតាំងនៅយូរអង្វែង

នឹងសូមអស់គម្តែង                 សង្ឃម៉ឺនសែនសាមគ្គីធម៌។

-     ដើម្បីប្រយោជន៍ច្រើន​​​​​​​​​​​​​​​​​​​​​​​               នឹងចម្រើនកុសលធម៌

ហើយសូមព្រះសទ្ធម្ម               ជួយគាំទ្រយើងគ្រប់គ្នា។

-     ហើយសូមអស់យើងខ្ញុំ             ចេះចាំគ្រប់កងធម្មា

ដែលអង្គព្រះអរិយា                  ទ្រង់ទេសនាទុកហើយហោង។

     (ចម្លងចេញពីសៀវភៅ​ «សង្ឃទានមានផលច្រើន»មេត្តាបាលោ ទឹម សឿត- ទំព័រ ១៦១​)

ធម៌សូមអភ័យដល់សព្វសត្វ(កាព្យ)

-     សូមឲ្យពួកសត្វ                 ទាំងឡាយបានសុខ

            ផុតពីក្តីទុក្ខ                     កុំមានវេរា។                         

-     កុំឲ្យមានរោគ              បៀតបៀនពារធា

           ចេះស្រលាញ់គ្នា               ឥតមានគុំគួន។

-     សូមសត្វទាំងនោះ            អាយុវែងផង

            តាមដូចបំណង                 ក្នុងចិត្តនៃខ្លួន។

-     ឲ្យបានត្រជាក់            ត្រជុំមាំមួន

           ហើយគ្រប់គ្រងខ្លួន              តាមធម៌រៀងទៅ។

-     សត្វមានជីវិត                   ទាំងឡាយឯណា

           ដែលមានកាយា               តូចក្តីធំក្តី។

-     ក្រែងខ្ញុំសម្លាប់                  ដោយភ្លាត់ស្មារតី

           កាយឬវចី                         ចិត្តខ្ញុំពារធា។

-     សូមសត្វទាំងនោះ           អនុមោទនា

           យកបុណ្យថ្លៃថ្លា                 មគ្គផលឧត្តម។

-     ហើយចូរលែងពៀរ           វេរានឹងខ្ញុំ

           សូមសត្វនោះកុំ                 ប្រកាន់ទោសឡើយ។

-     ពួកសត្វទាំងពួង               ដែលដល់ទុក្ខា

           លំបាកកាយា                    សូមបាត់ទុក្ខទៅ។

-     ដែលដល់នូវភ័យ               ខ្លាចក្តីហ្មងសៅ

           សូមបាត់ភ័យទៅ               កុំបីកើតមាន។

-     ដែលដល់នូវសោក             វិយោគគ្រប់ប្រាណ

           សូមឲ្យក្សេមក្សាន្ត              បាត់សោកទៅហោង។

(ចម្លងចេញពីសៀវភៅ​ «ធម៌នមស្សការថ្វាយបង្គំព្រះ» ឧបាសកលៀម លឹង -ប/ជ -ទំព័រ ៤៩​)

តេជៈខ្ញុំសាង(កាព្យ)

-     តេជៈខ្ញុំសាង           សំអិតសំអាង                ឱនកាយវាចា   

សូមសុខសុភាព        រួចពីទុក្ខា ​​                    ឆ្លងដល់ត្រើយមហា

ពោលគឺនិព្វាន។

-     គ្រប់ជាន់គ្រប់ជាតិ     កុំឲ្យខ្ញុំឃ្លាត             ពីសីលនឹងទាន

គំនិតខ្ញុំកើត                កំនើតខ្ញុំមាន                 មគ្គផលជាស្ពាន

ដល់ស្ថានថ្លៃថ្លា។

-     ខ្ញុំជូនមគ្គផល      ចំពោះទៅដល់                     មាតាបិតា

គុណគ្រូឧប               ជ្ឈាយាចារ្យ                   គុណញាតិកា

ប្រាំពីរសន្តាន។

-     ជីដូនជីតា                  រស់នៅក្តីណា                លោកម្ចាស់ចែកស្ថាន

ខ្ញុំជូនមគ្គផល        កុសលថ្កើនថ្កាន                សូមសុខក្សេមក្សាន្ត

ដល់ស្ថានផុតទុក្ខ។

-     ខ្ញុំសូមសច្ចា               កើតជាតិណាៗ              សូមឲ្យខ្ញុំសុខ

សូមមានបញ្ញា       ភ្លឺថ្លាមុះមុត                        រួចផុតពីទុក្ខ

ដល់និព្វានហោង។

(ចម្លងចេញពីសៀវភៅ​«សង្ឃទានមានផលច្រើន»​គ្រូ ទឹម សឿត​ ទំព័រ ១៥៥)  

ខមាបនគាថា (ខមាទោសចំពោះសព្វសត្វ)

យេកេចិ   ឧទ្ទកា   បាណា   មហន្តាបិ    មយា    ហតា    យេ   បាណេកេ    បមាទេន  កាយវាចាមនេហិ  វា  បុញ្ញំ   មេ   អនុមោទន្តុ    គណ្ហន្តុ   ផលមុត្តមំ   វេរិនោ  ចេ   បមុញ្ចន្តុ   សព្វទោសំ   ខមន្តុ  មេ។

ប្រែ(ធម្មតា បែប(១))

សត្វទាំងឡាយណាមួយ  ជាសត្វតូចក្តី ធំក្តី     ដែលខ្ញុំសម្លាប់ហើយ  ទោះសត្វទាំងឡាយណា  ពួកខ្លះដែលខ្ញុំបៀតបៀនហើយ   ដោយកាយ វាចាចិត្ត  ព្រោះសេចក្តីប្រមាទ។

សត្វទាំងនោះ   ចូរអនុមោទនាត្រេកអរចំពោះបុណ្យរបស់ខ្ងុំៈ​

ចូរទទួលយកនូវផលដ៍ឧត្តមចុះ។

បើសត្វទាំងឡាយណា    មានពៀរនឹងគ្នា    សត្វទាំងឡាយនោះចូររួចរំដោះចាកពៀរនោះទៅ  សូមសត្វទាំងឡាយ   អត់នូវទោសទាំងពួងដល់ខ្ញុំ។

(ចម្លងចេញពីសៀវភៅ​ «កិហិបតិបត្តិ-  សែម-សូរ -ទំព័រ ១៦៦​)

     ប្រែ(កាព្យ បែប(២))

-សត្វទាំងឡាយណា       តូចធំម្តេចម្តា             ខ្ញុំសម្លាប់ហើយ                ទោះសត្វទាំងឡាយ        ណាខ្លះក៍ដោយ        ខ្ញុំបៀតបៀនហើយ

                       ដោយកាយវាចា។

-ដោយចិត្តប្រមាទ            អាឃាតព្យាបាទ      ដល់សត្វនោះណា              សូមសត្វទាំងនោះ           មានចិត្តមេត្តា                             អនុមោទនា

                       បុណ្យរបស់ខ្ញុំ។

-សូមទទួលយក             បុណ្យខ្ញុំសាងមក       ផលដ៍ឧត្តម                      ទោះបីសត្វណា                                   មានវេរាកម្ម               នឹងគ្នាក៍សុំ

                       រួចពៀរនោះចុះ។

-ទោសទាំងឡាយផង     នាគ្រាកន្លង              ខ្ញុំធ្វើហើយនោះ                 សូមសត្វទាំងឡាយ       មេត្តាអត់ទោស            ទាំងពួងនោះៗ

           ឲ្យដល់ខ្ញុំផង។

(ចម្លងចេញពីសៀវភៅ​ «កម្រងធម្មទាននានា​ I»លោកគ្រូ ធូ ប្រណម្យ ទំព័រ ១៣)

គាថាសូមសេចក្តីសុខ

អាកាសដ្ឋាច  ភុម្មដ្ឋា ទេវា  នាគា  ​មហិទ្ធិកា  បុញ្ញំ   នោ  អនុមោទន្តុ  ចិរំ  រក្ខន្តុ  សាសនំ។

អាកាសដ្ឋាច  ភុម្មដ្ឋា ទេវា  នាគា  ​មហិទ្ធិកា  បុញ្ញំ   នោ  អនុមោទន្តុ  ចិរំ  រក្ខន្តុ  រាជានោ។

អាកាសដ្ឋាច ​ ភុម្មដ្ឋា ទេវា  នាគា  ​មហិទ្ធិកា  បុញ្ញំ   នោ  អនុមោទន្តុ  ចិរំ  រក្ខន្តុ ញាតយោ។

អាកាសដ្ឋាច ​ ភុម្មដ្ឋា ទេវា  នាគា  ​មហិទ្ធិកា  បុញ្ញំ   នោ  អនុមោទន្តុ  ចិរំ  រក្ខន្តុ បាណិនោ។

អាកាសដ្ឋាច ​ ភុម្មដ្ឋា ទេវា  នាគា  ​មហិទ្ធិកា  បុញ្ញំ   នោ  អនុមោទន្តុ  ចិរំ  រក្ខន្តុ នោ សទា។

ប្រែ(ធម្មតា បែប(១))

ទេវតាទាំងឡាយ ទោះឋិតនៅនាអាកាសក្តី  ទោះឋិតនៅលើផែនដីក្តី  នាគទាំងឡាយដែលមាន ឬទ្ធានុភាពច្រើនក្តី  សូមអនុមោទនានូវបុណ្យ  របស់យើងទាំងឡាយ។

-     សូមរក្សានូវព្រះពុទ្ធសាសនា   អស់កាលជាយូរអង្វែងទៅ។

-     សូមរក្សានូវព្រះមហាក្សត្រ      អស់កាលជាយូរអង្វែងទៅ។

-     សូមរក្សានូវញាតិទាំងឡាយ   អស់កាលជាយូរអង្វែងទៅ។

-     សូមរក្សានូវសត្វទាំងឡាយ    អស់កាលជាយូរអង្វែងទៅ។

-     សូមរក្សានូវយើងទាំងឡាយសព្វៗកាលអស់កាលជាយូរអង្វែងទៅ។

    ប្រែ(ធម្មតា បែប(២))

-     ទេវតាទាំងឡាយ            ស្ថិតនៅព្ធដ៍អាកាសក្តី             

ស្ថិតនៅលើផែនដីក្តី

នាគទាំងឡាយមានឥទ្ធានុភាពច្រើនក្តី      

ចូរអនុមោទនានូវបុណ្យនៃយើងទាំងឡាយ

ចូររក្សានូវព្រះពុទ្ធសាសនា           

ឲ្យបានចម្រើន       អស់កាលជាយូរអង្វែងទៅ។

-     ទេវតាទាំងឡាយ           ស្ថិតនៅព្ឋដ៍អាកាសក្តី             

ស្ថិតនៅលើផែនដីក្តី

នាគទាំងឡាយមានឥទ្ធានុភាពច្រើនក្តី      

ចូរអនុមោទនានូវបុណ្យនៃយើងទាំងឡាយ

ចូររក្សានូវព្រះមហាក្សត្រ           

ឲ្យបានចម្រើន      អស់កាលជាយូរអង្វែងទៅ។

-     ទេវតាទាំងឡាយ  ស្ថិតនៅព្ឋដ៍អាកាសក្តី             

ស្ថិតនៅលើផែនដីក្តី

នាគទាំងឡាយមានឥទ្ធានុភាពច្រើនក្តី      

ចូរអនុមោទនានូវបុណ្យនៃយើងទាំងឡាយ

ចូររក្សានូវញាតិទាំងឡាយ           

ឲ្យបានចម្រើន       អស់កាលជាយូរអង្វែងទៅ។

-     ទេវតាទាំងឡាយ  ​​ ស្ថិតនៅព្ឋដ៍អាកាសក្តី             

ស្ថិតនៅលើផែនដីក្តី

នាគទាំងឡាយមានឥទ្ធានុភាពច្រើនក្តី      

ចូរអនុមោទនានូវបុណ្យនៃយើងទាំងឡាយ

ចូររក្សានូវសត្វទាំងឡាយ           

ឲ្យបានចម្រើន      ​ អស់កាលជាយូរអង្វែងទៅ។

-     ទេវតាទាំងឡាយ   ស្ថិតនៅព្ឋដ៍អាកាសក្តី             

ស្ថិតនៅលើផែនដីក្តី

នាគទាំងឡាយមានឥទ្ធានុភាពច្រើនក្តី      

ចូរអនុមោទនានូវបុណ្យនៃយើងទាំងឡាយ

ចូររក្សានូវយើងទាំងឡាយ     ឲ្យបានចម្រើន     

សព្វៗកាល  អស់កាលជាយូរអង្វែងទៅ។

(ចម្លងចេញពីសៀវភៅ​ «កិហិបតិបត្តិ-  សែម-សូរ -ទំព័រ ១៦៧​)

    ប្រែ(កាព្យ បែប(៣))

-  រីទេវតានឹងនាគ                       ស្ថិតនៅភាគភូមិផែនដី

ឬលើអាកាសក្តី                    ​​ ​​      ដែលមានឬទ្ធិដ៍ឧត្តម។

សូមឲ្យអនុមោទនា                      នូវបុណ្យជារបស់ខ្ញុំ

ហើយសូមជួយថែទាំ                   នូវសាសនាអស់កាលវែង។

-     រីទេវតានឹងនាគ   ​                         ស្ថិតនៅភាគភូមិផែនដី

ឬលើអាកាសក្តី                           ដែលមានឬទ្ធិដ៍ឧត្តម។

សូមឲ្យអនុមោទនា                       នូវបុណ្យជារបស់ខ្ញុំ

ហើយសូមជួយថែទាំ                   នូវមហាក្សត្រអស់កាលវែង។

-     រីទេវតានឹងនាគ                           ស្ថិតនៅភាគភូមិផែនដី

ឬលើអាកាសក្តី                           ដែលមានឬទ្ធិដ៍ឧត្តម។

សូមឲ្យអនុមោទនា                      នូវបុណ្យជារបស់ខ្ញុំ

ហើយសូមជួយថែទាំ                    នូវពួកញាតិអស់កាលវែង។

-     រីទេវតានឹងនាគ                            ស្ថិតនៅភាគភូមិផែនដី

ឬលើអាកាសក្តី                           ដែលមានឬទ្ធិដ៍ឧត្តម។

សូមឲ្យអនុមោទនា                     នូវបុណ្យជារបស់ខ្ញុំ

ហើយសូមជួយថែទាំ                   នូវពួកសត្វអស់កាលវែង។

-     រីទេវតានឹងនាគ                           ស្ថិតនៅភាគភូមិផែនដី

ឬលើអាកាសក្តី                          ដែលមានឬទ្ធិដ៍ឧត្តម។

សូមឲ្យអនុមោទនា                     នូវបុណ្យជារបស់ខ្ញុំ

ហើយសូមជួយថែទាំ                   នូវយើងខ្ញុំអស់កាលវែង។

(ចម្លងចេញពីសៀវភៅ​ «ធម៌នមស្សការសង្ខេប-  ភោ-ម៉ន -ទំព័រ ១០៦​)