១. ខ្ញុំសូមវន្ទា នូវព្រះឈ្នះមារ ទាំង៥ព្រះអង្គ
សូមយាងបារមី ម្ចាស់ថ្លៃមកគង់ នៅនាកំឡុង
ទីឋាននេះណា។
២. ព្រះកុក្កសន្ធោ ព្រះកោនាគមនោ ព្រះកស្សបោ
ព្រះសមណគោត្តម បរមពុទ្ធោ ព្រះមេត្តេយ្យោ
ពោធិសត្វថ្លៃ។
៣. ព្រមទាំងព្រះធម៌ ជ្រាលជ្រៅបវរ ល្អប្រសើរក្រៃ
ប្រាំបីម៉ឺនបួនពាន់ ធម្មក្ខន្ធនេះនៃ របស់ជិនស្រី
ទីទៃរាល់អង្គ។
៤. ព្រមទាំងព្រះសង្ឃ ប្រសើរសីលទ្រង់ ជាបុត្រព្រះពុទ្ធ
លះកាត់តណ្ហា ប្រសើរបំផុត ខ្ញុំសូមលំអុត
កាយវាចាចិត្ត។
៥. ដោយតេជៈខ្ញុំ លើកហត្ថប្រណម្យ
ដាក់លើសិរសា
សូមកំចាត់បង់ សត្រូវនានា ទុក្ខសោករោគា
វិនាសទៅហោង។
តាមសៀវភៅផ្សព្វផ្សាយធម៌កាព្យនឹងសៀវភៅផ្សេងៗ ហើយនឹងអ្នកសូត្រឃើញខុសគ្នា ៤ ចំណុចគឺៈ
-ត្រង់ចំណុចថា«នៅនាកំឡុង»អ្នកសូត្រនឹងសៀវភៅខ្លះថា«នៅនាអំឡុង»
-ត្រង់ចំណុចថា«ព្រះកោនាគមនោ»កន្លែងខ្លះសូត្រនឹងសៀវភៅខ្លះមិនមានដាក់ព្រះនៅខាងដើមទេសូត្រថា«កោនាគម»តែម្តង។
-ត្រង់ចំណុចថា«ល្អប្រសើរក្រៃ»អ្នកសូត្រនឹងសៀវភៅខ្លះថា«ប្រសើរពេកក្រៃ» -ត្រង់ចំណុចថា«លើកហត្ថប្រណម្យ»អ្នកសូត្រនឹងសៀវភៅខ្លះដាក់ថា«លើកហត្ថបង្គំ»។(ការដែលសូត្រនិងសរសេរវាតឬបន្ថែមតាមចិត្តខ្លួនឯងធ្វើឲ្យខុសគ្នា)
No comments:
Post a Comment