- តេជៈខ្ញុំសាង សំអិតសំអាង ឱនកាយវាចា
សូមសុខសុភាព រួចពីទុក្ខា ឆ្លងដល់ត្រើយមហា
ពោលគឺនិព្វាន។
- គ្រប់ជាន់គ្រប់ជាតិ កុំឲ្យខ្ញុំឃ្លាត ពីសីលនឹងទាន
គំនិតខ្ញុំកើត កំនើតខ្ញុំមាន មគ្គផលជាស្ពាន
ដល់ស្ថានថ្លៃថ្លា។
-
ខ្ញុំជូនមគ្គផល ចំពោះទៅដល់ មាតាបិតា
គុណគ្រូឧប ជ្ឈាយាចារ្យ គុណញាតិកា
ប្រាំពីរសន្តាន។
-
ជីដូនជីតា រស់នៅក្តីណា
លោកម្ចាស់ចែកស្ថាន
ខ្ញុំជូនមគ្គផល កុសលថ្កើនថ្កាន សូមសុខក្សេមក្សាន្ត
ដល់ស្ថានផុតទុក្ខ។
-
ខ្ញុំសូមសច្ចា កើតជាតិណាៗ សូមឲ្យខ្ញុំសុខ
សូមមានបញ្ញា ភ្លឺថ្លាមុះមុត រួចផុតពីទុក្ខ
ដល់និព្វានហោង។
(ចម្លងចេញពីសៀវភៅ«សង្ឃទានមានផលច្រើន»គ្រូ ទឹម សឿត ទំព័រ ១៥៥)
No comments:
Post a Comment