១. សូមថ្វាយបង្គំ ព្រះសម្ពុទ្ធ
ប្រសើរបំផុត ក្នុងលោកា
ជាគ្រូនៃមនុស្ស នឹងទេព្តា
ទ្រង់ត្រាស់ទេសនា ប្រដៅសត្វ។
២. ចង្អុលឲ្យដើរ ផ្លូវកណ្តាល
មាគ៌ាត្រកាល អាចកំចាត់
ទុក្ខភ័យចង្រៃ ឲ្យខ្ចាយបាត់
អាចកាត់សង្សារះ ទុក្ខបាន។
៣. សាសនាព្រះអង្គ នៅសព្វថ្ងៃ
សត្វមាននិស្ស័យ ពីបូរាណ
ប្រឹងរៀនប្រឹងស្តាប់
ចេះចាំបាន
កាន់តាមលំអាន បានក្តីសុខ។
៤. ឥតមានសុខណា ស្មើក្តីស្ងប់
បញ្ចប់ត្រឹមសុខ ឃ្លាតចាកទុក្ខ
តាំងពីលោកនេះ តទៅមុខ
ក្តីសុខនិងមាន ព្រោះធម៌ស្ងប់។
៥. ខ្ញុំសូមបង្គំ ឆ្ពោះព្រះធម៌
ព្រះសង្ឃបវរ ទាំងគ្រប់សព្វ
រួមជាត្រៃរតន៍ គួរគោរព
ជាម្លប់ត្រជាក់ នៃលោកា។
៦. ព្រះរូបព្រះធាតុ នៃព្រះពុទ្ធ
វិសុទ្ធតាងអង្គ ព្រះសាស្តា
សូមគុណត្រៃរតន៍ ជួយខេមរា
ឲ្យបានសុខា តរៀងទៅ។
(ចំណាររបស់លោកអ្នកសរសេរបទសារភញ្ញនេះមាន ១០ យកមកផ្ទៀងផ្ទាត់គ្នាទៅឃើញត្រូវគ្នា ៨ចំណារàខុសគ្នា២ចំណារ
គឺត្រង់ចំណុច (ខ្ញុំសូមបង្គំ) ដាក់ថា (ខ្ញុំសូមថ្វាយបង្គំ)
(ទាំងគ្រប់សព្វ) ដាក់ថា (ទាំងសព្វគ្រប់) (វិសុទ្ធិតាងអង្គ) ដាក់ថា(វិសុទ្ធតាមអង្គ)
សូមអ្នករៀនសូត្រពិចារណាបន្ថែមទៀតចុះ ណាខុស ណាត្រូវ)
(បើដាក់ពាក្យខុសគ្នាប្រាកដជាសូត្រមិនត្រូវគ្នាទេ)។
No comments:
Post a Comment